Kryeministri Edi Rama ka mbledhur këtë të martë kabinetin qeveritar. Kjo është mbledhja e parë e qeverisë për vitin 2022.
Sipas raportimeve, mbledhja e qeverisë është duke u zhvilluar tek ‘Vila 30’ në zonën e ish-Bllokut. Deri tani mësohet se Kryeministri dhe ministrat po diskutojnë për objektivat e qeverisë përgjatë vitit 2022.
Në ditët e fundit të Dhjetorit të vitit të shkuar në të njëjtin vend Rama mblodhi sërish ministrat dhe ata raportuan për punën e tyre të 100 ditëve të para të mandatit të tretë.
Kujtojmë se Partia Socialiste mori një mandat të tretë në zgjedhjet e 25 prillit, duke u bërë kështu partia e parë që ka arritur ta sigurojë këtë rezultat në historikun e zgjedhjeve në vend./Opinion.al
