Kryeministri Edi Rama përmes një mesazhi në rrjetet sociale pohon se 36,238 fëmijë të lindur gjatë këtij viti kanë përfituar bonusin e bebes.
Kreu i qeverisë thotë se mbi 108 mijë fëmijë kanë përfituar që nga 2019-ta, vit kur nisi programi i qeverisë, ku familjet kanë përfituar 40 mijë lekë për fëmijën e parë, 80 mijë për të dytin dhe 120 mijë për fëmijën e tretë.
Më tej Rama shprehet se me buxhetin e 2022 do të vijojë financimi i këtij programi.
“36,238 fëmijë të lindur gjatë këtij viti kanë sjellë për familjet e tyre edhe bonusin e bebes.
Mbi 108 mijë fëmijë të lindur nga 2019, vit kur nisi programi universal i qeverisë, kanë përfituar nga mbështetja direkte e programit të mbrojtjes sociale, 40,000 lek për fëmijën e parë, 80,000 për fëmijën e dytë dhe 120,000 për fëmijën e tretë.
Me #buxhetin2022 do të vijojë financimi i këtij programi për çdo të porsalindur.”, shkruan Rama.
