Teksa paralajmëronte qytetarët se do të ketë ndëshkime të ashpra ndaj atyre që shkelin rregullat e izolimit, kryeministri Edi Rama tregoi dhe një kërkesë që i kishte ardhur nga disa qytetarë nga Vlora.
Kryeministri u shpreh se është paralajmëruar që në orën 19:00 vlonjatët do të dalin në ballkone dhe të shajnë virusin nga motra. Si deputet i kësaj zone, Rama pohoi do i bashkohet nismës.
“Deri të hënën në orën 5 të mëngjesi asnjë hap larg shtëpisë. Më shkruajnë nga Vlora se kanë vendosur të dalin në ballkon ne 7 të shajnë virusin nga motra. Se di si duruan kaq gjatë që s’u morën me motrën e kompetentin. Unë bashkohem sot dhe u jap mbështetjen time si deputet i Vlorës, me kusht që ta bëjnë nga ballkoni dhe mos të bëjnë xhap (hap) jashtë derës së shtëpisë. Ne të tjerët duhet të bëjnë ritualin në shtëpi dhe t’u tregojmë vendin këtyre tradhtarëve të kësaj pakice të vogël që po na prish punë dhe tu japim njëri-tjetrin ndihmën e nevojshme shqiptarëve. Rrugë tjetër nuk ka dhe kush kërkon rrugë tjetër mund t’i bjerë murit me kokë për mos të dalë nga shtëpia.”, u shpreh Rama./Opinion.al
