Çështja e kufirit detar me Greqinë duket se ka hapur një debat të ri mes kryeministrit Rama dhe kreut të opozitës Lulzim Basha.
Pas akuzave të Partisë Demokratike dhe përgjigjeve të njëpasnjëshme të Ramës dhe Bashës në Twitter, kryeministsri e ka vijuar korrespondencën online.
Ai thotë se negociatat me Greqinë janë ndalur që pas ndryshimit të qeverive.
“Negociatat Lulëzim janë ndalur prej kohësh,që pas ndryshimit të qeverive në Greqi! S’ka asnjë të re nga ai front, përveç dallgëve të ligësisë e padijes! Po ti mos bëj sikur nxehesh,se s’ta kam unë fajin kur bën sikur s’je ti që e firmose atë marrëveshjen e famshme që rrëzoi GJK! Çfarë kanë qenë për të thënë janë thënë me kohë e me vakt, marrëveshje akoma s’ka, po ti dëgjo mua, gjej ndonjë temë tjetër për teatrin tënd, se me ata që i besojnë kësaj marrëzisë së detit do dalësh edhe më i lagur se në 2017! Ta kam thënë, këtë popull për budalla s’e bëni dot”, shkruan Rama. /Opinion.al
