Kryeministri Edi Rama, ka bërë këtë të shtunë një tjetër letër publike. Kësaj radhe, me një ndryshim, kryeministri Rama shkruan se letra publike nuk i drejtohet liderit të opozitës Lulzim Basha, por popullit demokrat.
Në letër, Edi Rama i shkruan mbështetësve të opozitës, duke iu thënë, se paniku nga zgjedhjet dhe drejtësia e ka bërë lidershipin e partisë së tyre të arratiset nga misioni i një partie demokratike.
Por kreu i PD-së i është përgjigjur me një video të postuar në rrjetet sociale. Basha iu bën thirrje shqiptarëve ta mbështesin në protestën e së dielës, duke renditur dhe arsyet pse duhet të jenë në shesh.
“Asnjë hap pas për çlirimin e vendit nga e keqja! Nesër në ora 19:00 të gjithë në shesh! #2qershor #ShqipëriaSiEuropa”, shkruan Basha.
Protesta e 2 Qershorit, lajmëroi një ditë më parë Lulzim Basha do të jetë ajo që do të shënojë rrëzimin e qeverisë Rama. Por për të arritur këtë, ai kërkon bashkimin popullor, si mjeti i vetëm që sipas kryedemokratit do ta mundësojë./ Opinion.al
https://www.facebook.com/lulzimbasha.al/videos/1883555865079955/
