Kryeministri Rama i është drejtuar qytetarëve përmes një statusi në Facebook. Ai ka bërë thirrje për durim dhe thekson se jemi në një gjendje lufte.
Rama shkruan se qëndrimi në shtëpi nuk vjen si pasojë e dëshirës së ndonjërit por pasi e imponon situata.
Ne po bëjmë gjithcka është e mundur shkruan Rama dhe shton se askush nuk do të kishte bërë më shumë se qeveria e tij
“O ju vëllezër e motra që bëni ca pyetje sikur po vuani nga dora e robit, jo nga dora e zotit! A do ta kuptoni edhe ju, siç e ka kuptuar shumica, se kjo është luftë e vërtetë dhe pyetja është: Po t’i shihnit avionët që ju bombardojnë mbi kokë dhe plagët që hapin, a do ti bënit ato lloj pyetjesh? Presidenti i Francës mbrëmë i tha pesë herë popullit të tij: Jemi në luftë! Ju lutem ndajeni mendjen: Jemi në luftë! Nuk jeni në shtëpi se dua unë, po sepse ka një armik që ka sulmuar vendin tonë! Prandaj bëni secili luftën tuaj dhe bëni durim! Ne po bëjmë e do bëjmë gjithçka që është e mundur mbi këtë tokë, po nuk jemi zoti dhe nuk zgjidhim dot me magji probleme e halle që janë reale, por që janë pjesë e të qenit në luftë! Askush nuk do të bënte dot më shumë për ju, se sa po bëjmë dhe do të bëjmë deri në fund, unë dhe qeveria ime! Me mish e me shpirt!”, shkruan Rama. /Opinion.al
