Kryeministri, Edi Rama, ka deklaruar nga Kuvendi se ai është i gatshëm që të tregojë se nuk i është injektuar ujë fiziologjik por ka marrë vaksinën antiCOVID-19.
Rama u shpreh se sapo të marrë dozën e dytë të vaksinës, do të bëjë transparente nivelin e antitrupave që tregon se vaksina është injektuar.
“Në momentin kur pjesa që ka bërë vaksinën do të duhet të rikthehet për dozën tjetër, cilido që është i gatshëm, unë po, do të bëjë një transparencë mbi antitrupat që tregon se vaksina është marrë dhe ka bërë të gjithë efektin e parashikuar. Ka pasur edhe analistë dhe opinionistë të rangut të lartë që kanë hedhur idenë se unë jam injektuar me ujë fiziologjik. Ky është një nivel analize shumë i lartë për ne njerëzit e zakonshëm, por duhet t’u jepet mundësia atyre që e ndjekin këtë nivel të lartë analize të njihen me faktet”, tha Rama ndër të tjera./Opinion.al
