Kryeministri Rama është treguar i ashpër ndërsa ka paralajmëruar kryebashkiakët për sanksione në rast të mosmenaxhimit të mbetjeve, veçanërisht për zonat bregdetare dhe bashkitë që frekuentohen nga turistët.
Ndërsa cilësoi Lezhën si një nga bashkitë më të pastra në vend, Rama u ndal tek Himara ku tha se fotot e kuajve dhe pushuesve që qëndronin bashkë në plazh janë përhapur në të gjithë globin.
“Në Himarë janë bërë këtë verë fotografi që kanë marr globin, ku pushuesit dhe kuajt rrinin bashkë. Kope me kuaj, pushuesit në çadra dhe kuajt reth e rrotull plehrave. Imagjinoni, çfarë situate, as për të larguar një kope nga plazhi. Ose për ta kthyer në atraksion turistik i vendoset një gardh, i vendoset një njeri kuajve dhe pushuesit mund ta konsiderojnë një befasi”, tha Rama./Opinion.al
