Kryeministri, Edi Rama po prezanton këtë të hënë, programin e PS-së për taksat, pagat dhe biznesin. Gjatë prezantimit ai bëri një krahasim të programit të Partisë Socialiste me atë të Partisë Demokratike.
Rama e cilësoi programin e PD-së si “ta hajë kush ta hajë”, pasi mbështetet në nevojën për pushtet si qëllim në vetvete.
” Vizioni ynë mbështetet në një plan veprimi sektor për sektor. Plani ynë i veprimit është një plan qeverisës. Programi i tyre elektoral është një menu dëshirash të miletit “ta hajë kush ta hajë”. Si gjithmonë. Programi i tyre elektoral mbështetet nga një nevojë e vetme. Nevoja për pushtetin si qëllim në vetvete dhe jo si një mjet për realizimin e objektivave. Ne kemi sot në planin tonë atë që do të bëjmë nesër dhe atë që themi sot. Jo një plan për të joshur elektoratit. Ata ulin sigurimet dhe rrisin pensionet. Ata thonë të kundërtën e gjithçkaje. Ne i duam votat për të vazhduar ndërtimin e rrugëve të vjetra. Ata kanë zgjedhur rrugën e “kap ça të kapësh në votime”, – tha Rama./Opinion.al
