Kryeministri Edi Rama ka mbajtur fjalën e tij në Kuvend ditën e sotme teksa duke iu drejtuar opozitës është shprehur që aty ku i ka gjetur aty do i lë sepse janë duke u përpjekur të bëjnë shqiptarët për budallenj.
Për herë të parë, kryeministri Rama ka kometuar situatën në Partinë Demokratike duke u shprehur se janë brenda një gare se kush është kukulla dhe kush është pengu.
Në fjalën e tij Rama gjithashtu ka treguar se ditën e djeshme në samit është diskutar mes vendeve të rajonit, por dhe atyre të BE se si mund të gjejnë një mundësi për të dalë nga kriza energjitike.
”Aty ju kam gjetur dhe aty do iu lë nëse vazhdoni të përsërisni të njëjtën gjë dhe bëni shqiptarët për budallenj.
Kjo është zgjedhja juaj, aq më pak tani që jeni në një garë, se kush është kukulla dhe kush është pengu, ju mund t’iu thoni shqiptarëve çfarë të doni, por mençuria e një populli ka një barometër, ka kaq kohë që iu thotë, hej këta nuk janë më të mirët, por ta harroni që ju jeni më mirë.
Dje kryefjala në samitin e Ballkanit dhe BE ishte kriza energjitike, dhe ju thoni jo se Shqipëria ka ujë. Ju i thoni shqiptarëve fatura e energjisë është më e larta në rajon, është thjesht e pavërtetë. Fatura e energjisë dhe të gjitha faturat në sistemin që kemi zgjedhur, dhe ju jeni krenarë se ishit pararoja, keni vendosur që të kalojmë nga ekonomia komuniste e centralizuar, në lirinë e tregut kapitalist. Nga mënyra si flisni ju dukeni sikur jeni mbeturina e sistemit të vjetër.“- tha Rama/Opinion.al
