Kryeministri Edi Rama duke folur në një aktivitet me regji qendrore të Ministrisë së Brendshme “Policia e Gjeneratës tjetër”, tha se politika e kazanit po i helmon të gjithë ndaj këshilloi policët që kur të jenë në shtëpi ta çojnë Tv tek kanali për fëmijë “Bang Bang” se sa të shohin lajmet.
“Miqtë e mi u jam shumë mirënjohës por mos dëgjoni zhurmën e kazanit. E di që është e vështirë por kur shfaqet kazani në televizor çojeni tek “Bang-Bang”. Bëni 2 gjëra në të njëjtën kohë, rikuperoni kohën e humbur me fëmijët dhe nuk i prezantoni fëmijët me gogolin”, tha Kryeministri.
Më tej, Rama përgëzoi reformat në Policinë e Shtetit, ndërsa nuk kurseu kritikat ndaj opozitës, për rolin që ka luajtur në drejtim të Policisë së Shtetit. Sipas Ramës, opozita me akuzat që ka bërë në adresë të Policisë, mund të përkufizohet si, ‘energjia negative’ e këtij vendi.
