Kryeministri Rama ka vendosur t’u përgjigjet studentëve që sot për të gjashtën ditë po protestojnë lidhur me tarifat e shkollimit dhe të drejtat e tyre në universitet.
Ai është ofruar për dialog, ndonëse ka zgjedhur një mënyrë aspak të zakonshme për të dialoguar. Nuk do të ulet përballë studentëve, por përmes Facebook, nga zyra e tij ai do të dalë live ne facebook ditën e hënë në orën 11:00.
Nuk dihet nëse Rama kështu i shmanget një përballjeje direkte me studentët dhe nga ana tjetër nuk është e sigurt cili do të jetë reagimi i studentëve, që në fakt janë shprehur se nuk do të ketë asnjë negociatë pa plotësimin e kërkesave që ata i kanë drejtuar qeverisë 4 ditë më parë.
