Kryetari i Partisë Demokratike Lulzim Basha ka ironizuar kërkesën e kryeministrit Edi Rama drejtuar drejtorëve të Hipotekave për të dhënë dorëheqjen brenda 24 orëve. Basha në një status në profilin e tij në fb shkruan se “Edi Rama e ka ditur mirë dhe çdo dite se kush janë krerët e hipotekave, sa hajdutë e sa abuzues janë. Por për të kane qenë në rregull sepse i kanë shërbyer pushtetit të tij personal dhe miqve të tij. Ai vete i ka caktuar, i ka mbrojtur, dhe i ka shpërblyer kur i kanë kryer pazaret e tij si duhet: siç bëri me Cyrben e hipotekës së Durrësit, i cili pasi i shërbeu Shullazit në zyrë, i shërbeu deri në fund edhe në gjyq. Këtë shef hipoteke Edi Rama, sot e ka bërë deputet. Cyrbja është modeli i tij për hipotekat, të tjerat janë dokrra pleniumesh që nuk i ha askush.”, shkruan Basha.
