Duke theksuar se në 30 qershor, PS nuk i ftoi të gjitha bashkitë por iu lanë si barrë kryeministri paralajmëroi hapur të vetët. Në Asamblenë Kombëtare të PS-së, Edi Rama ishte i prerë madje duke i kërcënuar.
Fillimisht e nisi me deputetë. “Nuk mund të ketë më deputet që marrin maelt për të takuar njerëz, deputet që marrin njerëzit në krahë për t’ju zgjidhur një hall. Deputet që rrinë në kontakt të vazhdueshëm me njerëzit dhe deputetë që edhe në fushatën e 30 qershorit kanë shkuar tek njerëzit vetëm javën e fundit. Nuk mund të ketë më. Nuk mund të ketë më anëtarë të asamblesë së PS që kujtohen për PS, vetëm me ftesat për mbledhjen e asamblesë, pavarësisht se mund të jenë të rregullt në mbledhje, nuk shfaqen tek njerëzit. Dhe kush nuk do ti përgjigjet ritmit që kërkon 30 qershori nuk do jetë më në projektin tonë të vitit 2021. Kush nuk do bëjë kilometrat do dalë nga projekti ynë”, tha Rama.
Akoma dhe më i ashpër ishte me kryebashkiakët qo do drejtojnë bashkitë, që deri më tani kanë qenë të drejtuara nga opozita.
“Do dal jashtë nga kjo familje politike, çdo kryebashkiak që do mendojë se tani që ka marrë mandatin mund të bëjë pa njerëzit mund të bëjë dhe pa ne. Revolucioni imagjinar i punonjësve të administratave bashkiake, e patë u kthye në një turp. Kush ka qenë një viktimë e presionit për të ardhur në bulevard nuk duhet prekur. Dhe nuk ka pse të preket, është në të drejtën e tij për të vazhduar punën në administratën e bashkive që ne nuk i fituam me kundërshtarë por që 30 qershori na i ka lënë si barrë për të treguar kush jemi. Asnjë grua, asnjë vajzë në radhë të parë nuk do të largohet nga puna në asnjë nga bashkitë e djathta që nuk janë më në duart e kryebashkiakëve të djathtë. Larg qoftë mund të dali kush dhe të bëjë të kundërtën, për sa më takon ne de bëjmë çmos që asnjë revansh politik në administratë të mos tolerohet. Asnjë lloj hyrje triumfaliste me të cilat politika shqiptarë ka bashkudhëtuar në shumë kohë, në kërkim të zbrazjes së vendeve të punës me ata që janë aty dhe mbushjes së vendeve të punës që vijnë pa asnjë kriter nuk do lirohet. Çdo vend i zënë me dallavere të çdo natyre, apo që ka lidhje me vendin e punës nuk ka se si të justifikohet. Gjithçka do zhvillohet në mënyrë të strukturuar”/ Opinion.al
