Në rrjetet sociale, kryeministri Edi Rama ka ndarë sot më 10 korrik pamjet nga plazhi publik i Velipojës, një destinacion turistikë që tërheq pushues vendas dhe të huaj.
“MIRËMËNGJES, me këtë kaltërsi dhe relaks që vjen nga plazhi publik i Velipojës së bukur, ju uroj një ditë të mbarë”, shkruan Rama.
Në fotot e publikuara nga kryeministri Rama ravijëzohen zonat publike të plazhit të Velipojës, këndet sportive, si edhe pamja përrallore ku ndërthuret e kaltra e detit Adriatik me blunë e qiellit, rëra e pastër me veti kuruese dhe qytetarë të cilët shijojnë rrezet e diellit ose argëtohen përmes aktiviteteve sportive.
Në foto janë dhe tabelat orientuese, që njohin pushuesit me hapësirën që u rezervohet në plazhet publike përgjatë vijës bregdetare të Velipojës.
Kryeministri gjatë kësaj kohe promovon në rrjetet sociale pikat e bukura dhe tërheqëse turistike të vendit tonë.
