Kryeministri Rama ka ritheksuar nga Universiteti i Vlorës se është dakord me tetë pikat, që për të janë të realizueshme, por kërkon dialog për mënyrën se si do të veprohet.
Në përgjigje të kritikave të studentëve, që nuk ia kanë kursyer fjalët, ai u ka thënë se nuk funksionon me ultimatume dhe këtë do ta shohin, ndërkohë që ka deklaruar se protestën po e shkatërrojnë.
““Kam qenë unë në dhjetorin e parë. Kam qenë unë në vendin tënd (i drejtohet nje studenti). Këtu ku jam unë se di a do vish ti. Ne na kërkonte regjimi, ne ishim kundër. Ata prapë kërkonin të uleshin në tavolinë. Këta thonë; mos shkoni atje, se ju manipulon siç ia bëri Lulit. Pse ça do bëj unë? Magji të zezë? Unë them jam dakord. Po ta drejtoja unë protestën do ishte më mirë, ju po e çoni për lesh protestën. S’dua që protesta të mbarojë dhe të duket sikur s’ka ndodhur gjë”, tha Rama.
