Kryeministri Edi Rama ka deklaruar gjatë një vizite në një fasoneri në Shkodër se pas përfundimit të vaksinimit masiv me grupmoshën mbi 70-vjeç, do të nisë vaksinimi i vajzave dhe grave që punojnë në fasoneri.
“Sa të mbarojmë me vaksinimin me moshën 70-vjeç e lart të parët që do vaksinojmë do jenë gratë dhe vajzat e fasonerive, burrat kismet”, është shprehur Rama.
Teksa ndër të tjera gjatë fjalës së tij Rama është shprehur se për burrat kur të vijë rradha.
Kujtojmë se prej të dielës në vendin tonë ka nisur vaksinimi masiv për grupmoshën mbi 70 vjeç.
Një këshillë e ka patur dhe për çiftet e reja, ku i ka shpjeuar një shtetasi italian përfitimin e bonusit të bebes.
PJESË NGA BASHKËBISEDIMI
Rama: Zaho ka qejf qenin. Atë ka mikun e vetë. Sa pëllumba keni?
Sipërmarrësi: 80 apo 100
Rama: A është problem që bëjnë pis?
Sipërmarrësi: Po i lajmë. I kemi qejf.
Rama flet me vajzën e vogël të familjes: A ke motër apo vëlla?
Vajza: Jo
Rama: Si nuk ke motër? ! Si nuk ka motër?
Babai i saj italian: Po provojmë (flet babai i saj në italisht)
Rama i shpjegon dhe përfitimin nga bonusi i bebes
Rama: I bëra llafe italianit se pse e ka lënë gocën vetëm. I thash si s’të vjen zor, ke marrë alamet vajze nga Shkodra.
Punonjëset: I kemi thënë dhe ne.
Ramës i dhurojnë një tufë me lule
Rama: Lulet nuk i dhurohen burrave. Ua kam thënë 100 herë. Lulet i meritojnë ja, kjo lulja. Nuk i meritojnë ferrat. Pas vaksinimit të gjithë gjysheve e gjyshërve, ne do ta nisim vaksinimin për moshat më të reja, me të gjitha vajzat dhe gratë e mrekullueshme të fabrikave me material porositësi. Për gratë, burrat më vonë./Opinion.al
