Rama jep lajmin: Mbërrijnë 25 mijë doza të tjera të vaksinës Sputnik

Kryeministri Edi Rama ka njoftuar se në vendin tonë do të vijnë 25 mijë doza të tjera të vaksinës Sputnik.

Në një status në rrjetet sociale kreu i qeverisë shkruan se ritmet e vaksinimit do të vijojnë të rriten dhe objektivi për gjysmë milioni të vaksinuar do të arrihet në pjesën e parë të muajit maj.

“Mbërrijnë 25 mijë doza të tjera të vaksinës SPUTNIK. Ritmet e vaksinimit do të vijojnë të rriten dhe objektivi i 1/2 milionë të vaksinuarve brenda majit do të arrihet në pjesën e parë të muajit”, shkruan Rama./Opinion.al