Kryeministri Edi Rama deklaroi sot se janë miratuar 9500 pagat e para të luftës për bizneset e vogla që janë mbyllur nga qeveria gjatë kohës së koronavirusit.
Kryeministri tha se në fund të javës do të kalojnë mbi 60 mijë paga lufte, ndërsa aplikimi bëhen në faqen online tek drejtoria e tatimeve.
“Dua të vë theksin tek fakti që sot janë miratuar 9500 pagat e para të luftës për bizneset e vogla që hyjnë në kategorinë që kanë mbyllur aktivitetin dhe nuk punojnë dot, dhe në fund të javës do të kalojnë të tjera, mbi 60 mijë paga lufte. Aplikimet bëhen në faqen online tek drejtoria e tatimeve, ku pas verifikimeve bëhen miratimet. Të gjitha kategoritë e tjera që kemi thënë do t’i fusim në kategoritë që do të përfitojnë nga zgjerimi i paketës, pas datës 15 prill. Kujtdo që i takon do t’i marrë lekët pa diskutim”, tha Rama./ Opinion.al
