Kryeministri Edi Rama e mori sërish fjalën në parlament, kësaj radhe për të replikuar me kreun e grupit të PD, Edmond Spaho i cili tha se qindra biznese e makina u përmbytën në autostradë nga hapja e rezervuarve dhe nga palmat.
Në replikë me Spahon, Edi Rama tha se “për përmbytjen tek City Park ka filluar një hetim dhe nga të dhënat paraprake rezulton se është ndërtuar mbi kolektorë”.
“Sa për palmat unë e kuptoj se pse keni fobi ju (demokratët) por do t’ia sqaroj veçmas Saliut se merr vesh nga psikoanaliza.
Sa për kolektorët po ju them se lejet e ndërtimit i keni dhënë Ju. Hetimi do sjellë të dhëna të plota për përmbytjen tek City Park sepse nuk është dëm i shkaktuar nga terbimi i natyrës, por nga njeriu. Nuk janë hapur rezervuare. Këtë informacion e ke nga kazani i Saliut”, u shpreh Rama.
