Këtë të hënë ka nisur vaksinimi i mësuesve me dozat AstraZeneca në qytetin e Lezhës. Sakaq e ka ndjekur nga afër procesin e vaksinimit, kryeministri Edi Rama dhe ministrja e Shëndetësisë, Ogerta Manastirliu..
Gjatë fjalës së tij, Rama përmendi Italinë, e cila sipas tij e ka rinisur procesin e vaksinimit me AstraZeneca pasi ka konfirmuar që nuk kanë lidhje me mpiksjen e gjakut, raste të gjetura këto në Norvegji.
Dje agjencia e barnave në Italia e ka rifutur AstraZeneca-n sepse ka verifikuar se nuk ka lidhje me ato rastet që kanë ndodhur”, tha Rama.
Gjithashtu Rama u shpreh se shumë shpejt në vend do të vijnë sasi të mëdha vaksine. Qëllimi sipas kryeministrit është lehtësimi i sezonit turistik. “Duhet bërë shpejt, shpejt, shpejt. Bëhu gati se për pak ditë do të të sjellim një mal me doza dhe duhet ta dyndim gjithë Shqipërinë me vaksina. Qëllimi është që deri në fund të Qershorit të kemi këputur shumë hallka të zinxhirit të infektimeve që të kemi sezonin turistik të lehtësuar”, tha Rama.
Ndërsa Manastirliu u shpreh se sot kanë marrë një tjetër njoftim nga kompania Pfizer për 9300 doza të tjera.
“Sot kemi njoftimin e radhës nga Pfizer, vijnë sërish 9300 doza të t Pfizer. Vijojmë vaksinimet për dozat e dyta”, tha ministrja. /Opinion.al
