Kryeministri Edi Rama vijon me sulmet ndaj protestës së opozitës. Nga kryeqendra e veriut, Shkodra, që drejtohet nga PD-ja, Rama ironizoi ‘çadrën e lirisë’, duke shtuar se protestuesit kanë nevojë për dush.
Po ashtu ai theksoi se çudirat shqiptare ndodhin në gjykatat tona, ndërsa shtoi se kjo është ‘lufta’ e qeverisë me sistemin e drejtësisë.
“Shkon në gjykatë për të ndarë burrin dhe të japin 10 burra, jo bën vaki vetëm në gjykata tona. Me demek se janë askush, janë populli. Kjo është luftë. Kjo është një luftë që nuk bëhet duke i ikur popullit, apo duke harruar se 18 qershori është dita kur populli, çdo qytetar ka të drejtën e tij sovrane. Po erdhën ne në 18 qershor, mund të na hajë dreqi (i drejtohet dikujt nga të pranishmit në takim). Po kur thonë nuk është çështje karrigesh? Të jesh kryeministër i vendit nuk është se je i privilegjuar sepse ke suitën e hotel Rozafës dhe tani thonë: dil nga suita të futen dhe këta të bëjnë një dush se kanë 50 ditë në çadër…”, -theksoi Rama.
