Kryeministri Edi Rama sot nga Shkodra, ka prezantonte kandidatët e PS në këtë qark, teksa ka treguar arritjet por dhe premtimet e kësaj force politike për zgjedhjet e 25 prillit.
Ndërkohë që gjatë fjalës së tij Rama nuk i kurseu ironitë për kundërshtarët e opozitës.
Kryeministri gjithashtu iu ka caktuar krerëve të partive opozitare edhe ‘rolet’ në qeverinë e re. Rama tha se nuk e imagjinon dot që demokratët të jenë të lumtur që të kenë ministre të Financave, Monika Kryemadhin, apo të Bujqësisë, Agron Dukën.
“Se imagjinoj dot që demokratët të jenë të lumtur të kenë në qeveri Monika Kryemadhin, ministre Financash, Agron Dukën ministër Bujqësie, Fatmir Mediun, ministër çfarëdo qoftë se nuk di të bëjë asgjë dhe i bën të gjitha. Shpëtim Idrizin, apo Vangjel Dulen. Nuk mund të ketë tifozllëk partiak që njeriu t’i bjeri vetes. E thashë që në fillim na u rritën kalamajtë, ndërkohë që disa vazhdojnë sikur ora ka ndalur. Këtu bëhet fjalë kë do zgjedhësh të të bëjë punën. Unë nuk besoj që këta njerëz kur marrin elektricistin, apo marangozin i zgjedhin demokratë ose ndryshe nuk i marrin. Pse shkojnë në zgjedhje si tifozë?”, pohoi ai./Opinion.al
