Takimet e kreut të Partisë Demokratike, Lulzim Basha me qytetarë të ndryshëm për problemet ekonomike kanë qenë objekt kontestimi nga ana e qeverisë.
Disa herë kryeministri Rama i është përgjigjur denoncimeve të opozitës duke paraqitur një version tjetër të fakteve.
Këtë të martë, kreu i qeverisë ka zgjedhur të ironizojë një nga takimet e Bashës me qytetarë teksa flitet për premtimin e tij se do të ulë në 0.5% TVSH për biznesin me xhiro nën 14 milionë lekë në vit.
Qytetari pyet Bashën nëse ky rregull vlen për ata që importojnë dhe eksportojnë mallra. Kreu i PD, përgjigjet se kjo do të jetë e vlefshme pa dallim lloji biznesi për sa kohë xhiroja do të jetë nën 14 milionë lekë. Por qytetari është i interesuar për detajet teknike mbi tarifat e zhdoganimit.
Kjo nuk merr një përgjigje të drejtpërdrejtë nga kreu i opozitës.
Pikërisht me këtë fakt ka ironizuar edhe Rama i cili shkruan në Instagram “Ah ta marrsha t’keqen thonë shkodranët”. /Opinion.al
