Për Partinë Demokratike, kryeministri Edi Rama është duke bërë propagandë me vaksinën anti-COVID.
Nëpërmjet një reagim në llogarinë e tij në “Facebook”, ish-deputeti i PD, Bardh Spahia shkruan se ndryshe nga premtimet e kryeministrit Rama, deri më tani janë siguruar vaksina me dy doza për më pak se 5 mijë persona.
“Prej fillimit të janarit Edi Rama vetëm gënjen e mburret se ka siguruar me talentin prej lypësi, sasi të konsiderueshme vaksinash duke dhënë edhe afate herë në javën e tretë të janarit, pastaj në shkurt por fakt është se deri tani sipas shifrave që vetë shpërndan janë siguruar vaksina në dy doza vetëm për më pak se 5 mijë persona. Dhe sa më shumë i del në shesh gënjeshtra, aq më shumë rrit propagandën, duke u shfaqur vetë kudo ku bëhet numri modest i vaksinave, sepse mendon se do mashtrojë qytetarët kështu. Inskenon edhe teatrin për vaksinimin e personaliteteve, por e vërteta kokëfortë është se mashtruesi që kemi për kryeministër ka siguruar vaksina vetëm për më pak se 5 mijë njerëz, kaq!”- shkruan Spahia.
Sipas Bardh Spahisë, lobimi i vonuar për sigurimin e vaksinave lidhet me modelin që Rama ka ndjekur që në fillim të pandemisë “me papërgjegjshmëri kriminale”.
“Lobimi i vonuar për sigurimin e vaksinave lidhet me modelin që ka ndjekur që në fillim të pandemisë me papërgjegjshmëri kriminale: priste dhurata e ndihma nga donatorë e miq ndërkombëtarë, ndërsa taksat e shqiptarëve i conte për koncesione e tendera sekretë për produkte me cmim disafish më të lartë se tregu.
Të njëjtën strategji edhe me vaksinën: priti dhurata, por fatkeqësisht ato nuk erdhën dhe tani Edi Ramës i kanë mbetur vetëm gënjeshtrat dhe ato po ia thotë cdo ditë shqiptarëve pa pikë turpi! Ky njeri i papërgjegjshëm po injekton propagandë në vend të vaksinës”, shkruan gjithashtu Bardh Spahia./Opinion.al
