Aktualitet

“Rama ik” në koncertin e Noizy-it, Meta: Thirrje buçitëse e mijëra të rinjve për…



Bëhu pjesë e Grupit Zyrtar të Opinion.al
>> KËTU <<
               Publikuar në : 08:59 - 15/08/22 |
Opi Nion

Kreu i Partisë së Lirisë, Ilir Meta ka publikuar mëngjesin e sotëm një video të shkëputur nga koncerti i mbrëmshëm i Noizy-it, në të cilën dëgjohen thirrjet ‘Rama ik’.

Përmes një postimi në “Facebook”, Meta tha se këto janë thirrje frymëzuese dhe buçitëse të mijëra të rinjve për largimin e armikut të së ardhmes së tyre, që sipas tij është Rama.

Ai shtoi se Rama, do të japë llogari shumë shpejt përpara drejtësisë për të gjitha dëmet kolosale që i ka shkaktuar vendit.

“Ju uroj një javë të mbarë, me këtë thirrje frymëzuese dhe buçitëse të mijëra të rinjve, për largimin dhe ikjen pa kthim të armikut të së ardhmes së tyre, të grabitësit të miliarda euro të shqiptarëve dhe të tradhtarit të interesave tona kombëtare.

Armiku i Lirisë, Ligjshmërisë dhe Rinisë, do të japë llogari shumë shpejt përpara Drejtësisë dhe popullit për të gjitha dëmet kolosale, që i ka bërë vendit”, shkruan Meta./Opinion.al

Pas