Ditën e sotme kryetari i Partisë Demokratike, Lulzim Basha ka zhvilluar një takim elektoral me qytetarët në Fier.
Teksa u prit nga mbështetësit e tij me thirrjet “Rama ik”, Basha tha se pas zgjedhjeve të 25 prillit Shqipëria do të ndryshojë dhe mazhoranca do të ndëshkohet me votë,
Kreu i demokratëve u bëri thirrje simpatizantëve të ruajnë distancën, megjithëse masat anti-COVID nuk janë respektuar për shkak të numrit të madh të njerëzve.
“Më keni falur emocione të jashtëzakonshme por asnjëherë si sot me këtë pritje të mrekullueshme. Era e ndryshimit po fryn kudo në Shqipëri. e shoh në sytë e mbarë shqiptarëve, e dëgjoj në zërin tuaj. Era pozitive e ndryshimit do të sjellë mirëqënien. Ju falënderoj nga zemra. E di se kur era e ndryshimit frynë, 25 prilli do të jetë një ditë e mirë për çdo shqiptar. Dua t’ju lus të vazhdojmë të respektojmë kushtet në të cilat ndodh kjo fushatë, të mbajmë maskën dhe distancën. Të çojmë edhe më lart frymën e shpresës dhe ndryshimit. Bashkë do të fitojmë. Shqipëria do të fitojë,” tha Basha./Opinion.al
