Pas njoftimit të kryeministrit Rama se nesër do të prezantojë paketën “Anti KÇK” me ndihmën e partnerëve strategjikë, ka reaguar edhe zëdhënësi i Presidentit Meta..
Në statusin e tij në Twitter, Rama i konsideroi të çmendur ata që kanë bërë deklarata kundër partnerëve strategjikë pa të cilët sipas tij lufta kundër krimit do të ishte e pamundur.
Sot kur partnerët strategjikë të Shqipërisë e ambasadat e tyre janë vënë në shënjestrën e politikës mjerane të të çmendurve nga frika e drejtësisë,Paketa Speciale AntiKÇK do të provojë përsëri se sa të paçmueshëm janë këta partnerë në luftën e Shqipërisë për progres e drejtësi?
— Edi Rama (@ediramaal) November 24, 2019
Në një status në Facebook, zëdhënësi i Presidentit, ka reaguar duke thënë se kryeministri “ka vetëm një partner strategjik: Xibrakën dhe Kolumbinë”.
Këto janë deklaratat e para në distancë mes kryeministrit Rama dhe përfaqësuesve të Presidencës, pasi Meta kërkoi referendum ditën e premte në lidhje me krizën. Zëdhënësi i presidentit njoftoi gjithashtu sot se në datën 8 dhjetor, Presidenti do të zhvillojë një tubim kombëtar në sheshin e Qytetit Studenti “me qëllim mbrojtjen e Demokracisë dhe Kushtetutës” dhe lajmëroi se dialogu i Presidentit me popullin do të vazhdojë “deri në zbatimin e detyrimit kushtetues për Referendumet.” /Opinion.al
