“Për batutën s’kam koment që unë të kopjohem nga ata që janë rritur nën hijen time, ndodh shpesh, s’është problem. Ai nuk është pjese e grupit parlamentar te PS, është i lirë të bëjë të gjitha batutat që dëshiron, ajo që mund të them unë është që një pjesë e atyre që komentojnë jetën tonë politike duan të bindin të tjerët atë që besojnë vetë lidhur me mua, si funksionoj unë, është një gjë që mua më bën për të qeshur që Saimir Tahiri më bën mua presion, është thjesht dhe vetëm për të qeshur”.
Me këto fjalë Edi Rama i është përgjigjur sot në “Real Story” deklaratës së Saimir Tahirit, dhënë sot per mediat jashtë dyerve të kuvendit.
I kthyer në sallën e Parlamentit pas 6 muajsh mungesë, Tahiri foli sot para mediave me një frazë jashtë etike, të përdorur nga Rama shumë vite më parë. “Nuk më pengon bir nëne dhe bir kurve të kërkoj drejtësi…”, tha Tahiri, ndërsa në media kjo deklaratë e tij ngriti dyshime si një mesazh për Kryeministrin.
