TIRANE- Kryeministri Edi Rama i kthehet sërish një prej premtimeve më të mëdha, të cilat e sollën në pushtet “shëndetësia falas”. Ai vazhdon ti mëshojë këtij premtimi të pambajtur. “Në vitin 2016, kushdo që merr shërbim tek mjeku i familjes nuk do të bëjë asnjë pagesë”, tha Rama.
Më tej ai ka vlerësuar “Check Up”, për të cilin opozita e akuzuar për tender klientelist. “ Është një nga punët më të mira”, tha Rama. “Sot 870 mijë qytetarë të moshave 40-65 vjeç që përfitojnë këtë kontroll cdo vit. Ne ju kemi kursyes qytetarëve 45 milionë dollarë, këtë shifër ta shënojnë dhe ta mbajnë mend mirë të gjithë ata që janë vërsulur në mënyrë barbare kundër këtij projekti dhe që e kanë përfshirë në listën e shënjestrave për të gjuajtur me baltë”, tha Rama.
