TIRANE- Shfaqet thuajse çdo ditë në TV madje në shumë raste edhe 2 herë në ditë. Dhe kjo nuk ndodh vetëm të enjteve në Parlament.
Kryeministri Rama ngjan i fiksuar pas komunikimit direkt me publikun. Në një llogaritje të bërë sipas daljeve live të Kryeministrit që nga 13 Shtatori 2013 deri më 22 Tetor 2015, pra në 769 dite ai ka folur live plot 389 herë.
Këtu llogariten edhe daljet në Parlament të enjteve, madje disa herë gjatë dites; takimet e transmetuara live dhe po ashtu deklaratat e tij të bera direkt në TV. Në këtë llogari nuk janë kronikat e lajmeve të përgatitura nga vetë televizionet.
Në 389 daljet është e pamundur të llogaritet se sa minuta ka folur Rama. Po ashtu nuk dihet se sa minuta ka folur paraardhesi i tij që rezervonte të njëjtin pasion për kamerat. Por kjo shifër duhet të jetë padyshim rekord në Europë.
Duhet thënë se në televizionet kombëtare (me perjashtim të TVSH) fjalimet live të Kryeministrit janë shumë të rralla. Por ato transmetohen thuajse gjithnjë nga televizionet informative.
‘Opinion’ është duke monitoruar kohën e përdorur live nga Kryeministri që nga data 22 Tetor 2015.
