Në seancën e jashtëzakonshme që po zhvillohet mesditën e sotme, mori fjalën e para Jozefina Topalli, e cila duke qenë se nuk do të jetë më pjesë e Kuvendit, foli për listat e Vetting-ut ku u shpreh se këto lista ishin pjesë e marrëveshjej Rama – Basha. Sipas saj edhe personat përgjegjës për Vettingu-n janë miq të Ramës dhe e cilësoi këtë si skandaloze. Nga ana tjetër Rama është shprehur se nuk ka asnjë lidhje me listat e Partisë Demokratike, dhe madje duke i treguar Topallit se do i mungojë në Kuvend.
“Nuk e di ku mi gjete gjithë keta miq dhe gjithë keta shok. Të lutem se te degjova me shume vëmendje. Ta them sinqerisht që do me mungosh shume sensionin e ardhshëm. Kjo është fatura që duhet te paguani për futjen ne çader. Prandaj jemi këtu me vonese.Ne këtë listë që ti thua Jozefinë, une nuk kam asnjë lidhje” – u shpreh Rama. Ai madje nuk pranoi as miqësitë e faturuara nga Topalli për listën e vetting-ut, dhe madje u shpreh se është krenar për të gjithë emrat e përmendur. Në fund Rama i tha Topallit : “Me vjen keq që e mbylle me nivel të ulët karrieren tënde parlamentare, për momentin se do vish prap bashkë me Astritin, po mund të gjeje një mënyrë më të denjë”. Rama gjithashtu në batutë e sipër i tha Topallit: “Mos mendo se unë dhe Luli flasim për ty”.
