Kryeministri Edi Rama ka shkëmbyer batuta me banorët e Himarës teksa po shpërndan 437 tituj pronësie.
Ai iu bëri thirrja himarjotëve që t’i drejtohen Vangjel Tavos nëse duan prona, dhe nëse duan sherre të shkojnë të Vangjel Dule.
“4 mijë certifikatat e shtëpive të trashëguara do të jepen brenda këtij viti. Prefektura dhe prefekti është për çdo problem që keni, prefekti ka detyrën për ta zgjidhur këtë çështje.
Nuk keni punë fare ju, vajtët tek Kadastra keni një problem, Vangjeli. Vajtët atje, ju thanë ashtu, Vangjeli. Thashë Vangjel Tavo, nëse do pronë shko te Vangjel Tavon, nëse do sherr ke Vangjel Dulen, shko atje.
Do sherr atje, mos na fusni në këto tani, gjithë ky diell të flasim për Vangjel Dulen. Të japim certifikatat se me këto muhabete nuk mbarojmë kurrë”,-tha Rama.
