Kryeministri Edi Rama ka qënë i fokusuar sot tek Shëndetësia, ku në mesditë publikoi një video-dëshmi të një pacienti të shëruar nga hepatiti, ndërsa pasdite ishte në Kongresin e Onkoligjisë.
Rama e rihap vetë debatin për sektorin e përfolur si dështim i qeverisë së tij, pikërisht me videon në facebook, ku shkruan se “është krijuar perceptim i gabuar pasi ky sektor ka hyrë në një proces reformimi të thellë, ku njerëzit në nevojë për shërbim shëndetësor kanë përjetuar plot ndryshime pozitive”. Kjo ka nxitur reagimin jo vetëm të dhjetëra ndjekësve të tij në facebook por edhe të PD-së. Përmes një deklarate për mediat, deputetja Albana Vokshi akuzoi se Ministri i Shëndetësisë ka përdorur këtë sektor për tu pasuruar, dhe sipas saj, tani po mbyll pazarin e radhës. “Kaq shumë ka devijuar kjo qeveri, sa dhe minimumin e detyrës, sigurimin e barnave, e shet si arritje e privilegj”, tha Vokshi.
“Do e falenderoja personalisht Kryeministrin nese do ndalonte talljen me grate qe kane bere prej dy vitesh mamografine e nuk kane ende nje pergjgje. S’ka pergjigje se Ministri po mbyll pazarin e radhes, nderkohe shendeti i tyre mund te jete perkeqesuar deri ne fatalitet”, tha më tej deputetja demokrate.
