Duke përmendur shembuj të vendeve të BE-së, por edhe në SHBA, që sipas kryeministrit Edi Rama, Byroja e Hetimit ndërhyn pa asnjë vendim gjykate dhe mbyll me urdhër çdo lloj website dhe çdo lloj përmbajtje që konsiderohet cënuese në shumë aspekte, ai tha se gazetarët që protestojnë për ligjin “anti shpifje” janë shkelës të të drejtave të njeriut.
Nga Kuvendi, Rama deklaroi: Nëse ligji gjerman, do të kishte subjekte ata që janë te dera e parlamentit, ata sot do të ishin me borxhe për të paguar pafundësinë e detyrimeve si rezultat i shkeljeve të drejtave të njeriut. Ata janë shkelës së të drejtave të njeriut që të mos i cënohet në publik integriteti i tij. Në 26 Nëntor ka humbur jetën një njeri i pafajshëm si rezultat i atyre lajmeve. Dikush ka nxjerrë lajmin se spitali i Durrësit po shembet. Dalja e lajmit e ka thyer spitalin si në vend pritës në udhëkryqin e një kaosi, me mjekë, familjarë e të sëmurë që donin të dilnin nga dera e spitalit. Deri këtu shkoi efekti negativ i fjalëve të lëshuara pa asnjë përgjegjësi”
Kryeministri Edi Rama tha se gazetarët që kanë dalë në protestën nuk e kanë mbështetjen e organizatave të gazetarëve dhe të shoqërisë civile. Ai foli për organizata të rreme, që sipas tij ngrënë kauza për të tërhequr vëmendjen e ndërkombëtarëve, kur në të vërtetë qëndrojnë vetë gazetarët. Për këtë dha shembullin e Mero Bazes, botuesit të gazetës Tema.
“Si organizatat e Mero Bazes, që e ka edhe ai që e përdor për të ngritur ndonjë çështje, se kur e shohin ata andej që organizata po ankohet nuk shohin kush është organizata po ngrihen për të mbrojtur lirinë. Organizata të rreme si profilet false në Facebook. Apo si ata që dalin tek Rai3 dhe flet për burgjet që janë mbushur me gazetarë, për censurën dhe hatanë që bëhet këtu. të censuruar janë ata që kanë të drejtë“, tha Rama, ndërsa shtoi se portalet kanë bërë viktima qytetarët e thjeshtë.
“Gra dhe vajza që hidhen në tezgat e këtyre si prostituta, shërbëtorë të shtetit që i bëjnë hajdut, matrapazë e kusar, nga mëngjesi, në darkë, këta“, tha Rama./ Opinion.al
