Kryeministri Edi Rama zhvilloi këtë të enjte një bashkëbisedim online me disa prej aplikantëve të nismës “Gati për Shqipërinë”, ku u njoh me idetë e secilit prej tyre.
Sandra Xheleshi, e cila kandidonte për deputete në zgjedhjet e 25 prillit nën siglën e partisë së Jozefina Topallit, “Lëvizja për Ndryshim”, është një nga aplikantet në këtë nismë.
Xheleshi në prezantimin e saj tha se jetonte në Britani dhe punonte si këshilltare me temë mbi esktremizmin e dhunshëm dhe çështjen e sigurimit të Ballkanit Perëndimor.
“Kam 18 vite që punoj në Britani, kam mbaruar Barchelor në Shkenca Politike dhe master shkencor në Sigurinë Ndërkombëtare, tani punoj si ekspert këshillues. Tema ime është mbi ekstremizmin e dhunshëm dhe çështja e sigurisë së Ballkanit. Gjithmonë kam pasur dëshirë që të punoj në Shqipëri ndaj dhe projeketet i kam bërë gjithmonë në Ballkan”, tha ajo.
Rama pasi dëgjoi prezantimin e vajzës i kërkoi që të bënte një takim me shefen e tij të kabinetit.
“Do bësh një takim me drejtoren time të kabinetit direkt meqë je këtu në Tiranë. Që të shohim mos të të lëmë të ikësh ndoshta. Dakord!”, tha kreu i qeverisë./Opinion.al
