Deputetja e Partisë Demokratike, Jorida Tabaku, ka reaguar në lidhje me deklaratën e kryeministrit Edi Rama ditën e sotme në Kuvend për rikthimin e diskutimit për fashat e energjisë.
Përmes një postimi në “Twitter”, Tabaku shkruan se kryeministri tashmë që kaloi lumin e zgjedhjeve lokale ndjehet i sigurt për të kaluar rritjen e çmimit të energjisë për 95% të shqiptarëve.
Deputetja demokrate bën me dije se nga vjet çmimi energjisë veç ka rënë dhe thotë se teksa të gjithë flasin për diversifikim portofoli të energjisë, qeveria shqiptare flet për rritje çmimi.
“Kryeministri pasi kaloi lumin e zgjedhjeve lokale ndjehet i sigurt për të kaluar rritjen e çmimit të energjisë për 95% të shqiptarëve. Ironike! Nga vjet çmimi energjisë veç ka rënë! Të gjithë flasin për diversifikim portofoli të energjisë, qeveria flet për rritje çmimi! Qeveria e pakicës!”, ka shkruar Tabaku./Opinion.al
