Gjatë fjalimit të tij të parë si kreu i OSBE-së, kryeministir Rama u ndal edhe tek kërcënimi që Lideri Suprem i Iranit, Ajatollah Ali Khameini bëri në adresë të Shqipërisë.
Teksa po fliste për nxitjen e tolerancës fetare dhe të dialogut, Rama theskoi rëndësinë e sigurisë së përbashkët dhe tha se e thoshte këtë nga pozitat e një vendi që “u përcaktua si vend djallëzor në mes të Europës nga Teherani.”
“Nxitja e tolerancës do të jetë një tjetër përparësi. Një takim madhor do të jetë konferenca kundër anti-semitizmit në Tiranë. Ne ishim vendi që kishim më shumë hebrenj pas luftës se më parë. Si shoqëri që jeton në vëllazëri fetare, ne e njohim vlerën e saj dhe do të ndihmojmë të ndajmë përvojën tonë të kësaj harmonie. Dialogu do të jetë për çështje politike për mbrojtjen e mjedisit, por edhe organizatat simotra BE-së, apo shoqërinë civile. Pres me padurim të bashkëpunoj me asamblenë parlamentare të OSBE-së. Situata në brigjet jugore tregon sa ngushtë është siguria e përbashkët. Po flas në emër të një vendi që dje u përcaktua si vend djallëzor në mes të Europës nga Teherani.”, tha Rama.
Kjo deklaratë e kryeministrit konfirmon se shteti i vogël të cilit Ajatollahu i Iranit iu adresua dje ishte Shqipëria.
“Në një vend evropian, në një vend shumë të vogël evropian, por shumë i pabesë, ka disa elementë amerikanë me disa tradhtarë iranianë. Ata u bën bashkë për të komplotuar kundër republikës islamike. Komploti ishte tri ditë pas rritjes së çmimit të karburantit. Njerëzit ishin të pakënaqur për shkak të çmimit të karburantit. Disa njerëz dolën në protestë. Sapo ata dolën për të protestuar, këta agjentë të tradhtuar të armikut filluan të zbatojnë planin e tyre, të sabotojnë, të vrasin, të shkatërrojnë qeveritë dhe institucionet dhe të fillojnë luftë. Ky ishte plani i tyre kryesor”, tha lideri suprem i Iranit gjatë fjalimit të tij. /Opinion.al
