Teksa u pyet nga gazetarët, pas mbledhjes së kryesisë së PS, se cilat janë pritshmëritë e socialistëve për zgjedhjet e 14 Majit, Rama tha se PS do të fitojë bindshëm zgjedhjet lokale.
Kreu i qeverisë nuk la pa thumbuar kundërshtarët, për të cilët tha se janë të padenjë për të qenë në betejën elektorale me Partinë Socialiste.
“Mendoj që do fitojmë bindshëm. Fitorja kur ke përballë kundërshatrë të tillë në aspekt aritmetik është minimum. Duhet të shkojmë përtej, se të hysh në fushë me kundërshtarë të padenjë për të qenë në fushë nuk është e vështirë të fitosh. Kjo do të thotë më shumë me njerëzit më shumë për mjerëzit sepse këto lloj situatash të shkëputin nga njerëzit. Fitorja nuk është e lehtë por nuk është kaq e vështirë sa kur merresh me pagat, pensionet, investimet. Kjo është sfida ku duhet të përqëndrohemi”-tha Rama.
