Kryeministri Edi Rama ka falenderuar mëngjesin e sotëm të gjithë shqiptarët që votuan për herë të parë nga jashtë vendit.
Përmes një postim në rrjetet sociale, Rama thotë se shqiptarët e diasporës e bënë fitoren në zgjedhje më domethënëse.
Falë këtij rezultati, kryeministri premton se do jenë më të përkushtuar për Shqipërinë 2030.
“Mirëmëngjes dhe me një falënderim krejt të posaçëm, për shqiptarët që nga Greqia, Italia, Amerika, e çdo anë e Europës dhe botës që iu bashkuan trenit të fitores duke e bërë atë edhe më domethënëse, jo thjesht për nga numrat, po në radhë të parë për nga mesazhi i fuqishëm i shumicës së tyre dërrmuese, i cili do të na bëjë edhe më të përkushtuar për Shqipërinë 2030 në BE, ju uroj një ditë të mbarë!” shkruan Rama.
