Kryeministri Edi Rama ka mbledhur në një nga ambientet e Kyreministrisë deputetët fitues dhe humbës, ku nuk ka lënë pa thumbur edhe njëherë Ilir Metën të cilin e ka quajtur shkatërrësuesin e së majtës së bashkuar. Rama i ka kujtuar Metës që duhet ta bëjë sa më mirë punën e tij si President larg konfliktit. Rama duke i uruar punë të mbarë në opozitë LSI-së u shpreh po kështu se LSI për Shqipërinë është një vrimë në ujë dhe nuk do të jetë më çelësi i qeverisë.
“Falënderoj Ilir Metën, jo se i coi punët në dreq, duke hedhur në erë projektin e të majtës së bashkuar, por për cdo kontribut pozitiv dhe të pamohueshëm që dha në punën e përbashkët. Por edhe në emër të deputetëve që e votuan e s’janë këtu, i kujtoj të refkektojë një orë e më parë e të kthjellohet si presidenti që mori votat tona për të qenë konsensual për të qenë mbi palët jo kundër palëve”- tha Rama. Sipas tij, “LSI para Shqipërisë është një vrimë në ujë dhe përjetimi tragjik i daljes së partisë nga qeverisja nuk duhet ta damkosë pa hyrë në zyrë figurën e presidentit të zgjedhur”.
