Kryeministri Edi Rama e ka marrë fjalën në kongresin elektoral të PS që po mbahet në Durrës. Pasi kanë folur deputetë e ministra që pasqyruan arritjet e bënë premtime, fjalën e mori Rama. Ai e nisi me një: Faleminderit!
“Faleminderit deputetëve, veçanërisht Dokles, Leskajt, Dades që dhanë gjithçka mundën për vite të tëra në vijën e parë të PS-së. Jam i bindur se përvoja e tyre do të na ndihmojë edhe më tutje.
Faleminderit deputetëve që nuk do të jenë këtë herë pjesë e përfaqësueses sonë, por do vazhdojnë të jenë pjesë e skuadrës sonë në role të tjera ku me siguri do të bëjnë më të mirën dhe gjithçka munden për Shqipërinë dhe PS-në”, tha Rama.
“Faleminderit Lindës dhe Anetës që ma hapin derën e shpisë natën vonë. Ato më kanë dhënë shumë dashuri por unë për këto 3 vite e gjysëm nuk ua kam kthyer as 1%”, tha Rama duke nënkuptuar se preukopimi si Kryeministër e ka bërë që të lë pas dore familjen.
