Pas zgjedhjeve, Shqipëria do t’i kërkojë BE-së hapjen e negociatave, me zërin e unifikuar të mazhorancës dhe opozitës. Kështu deklaroi Kryeministri Rama në Bruksel pas takimit me shefen e Politikës së Jashtme të Bashkimit Europian, Mogherini.
Kryeministri Rama pohoi se falë marrëveshjes së arritur në Tiranë, tashmë pritet të bjerë edhe pengesa e fundit që nuk lejonte uljen e Shqipërisë në tryezën e negociatave.
Tirana zyrtare duket se i ka shpresat te influenca e Berlinit në politikën europiane, siç shpjegoi Rama i pyetur nga ABC News.
Duke iu përgjigjur pyetjes mbi standardet zgjedhore, Rama pohoi se me përfshirjen e opozitës në qeveri, garantimi i tyre nuk është më vetëm detyrim i tij por i të gjitha partive në qeveri. Për këtë, Kryeministri shprehu bindjen se 25 qershori duhet të jetë vija ndarëse mes të ardhmes dhe të shkuarës së zgjedhjeve të kontestuara.
*Në video deklarata e tij e plote per mediat ne Bruksel
