TIRANE Ben Blushi ka qenë i ashpër më shumë se njëherë ndaj partisë së tij dhe liderit Rama në veçanti. Sëfundi ai tha në Komisionin e Ekonomisë se është rritur borxhi i shtetit. Kryeministri Rama i përgjigjet në mënyrë të tërthortë por tërësisht të kuptueshme Ben Blushit.
“Thonë se ‘keni rritur borxhin’. Gjithfarëlloj kukuvajkash e teologësh të ideologjive ekonomike na thonë keni rritur borxhin. Si e kemi rritur borxhin? Ne e kemi legalizuar borxhin. Borxhi ishte aty dhe e mbanin fshehur. 720 milionë dollarë borxhe, njerëzve nuk u tregoheshin”. Kështu u shpreh Rama në përgjigje të kritikave të socialistit Ben Blushi.
