Edi Rama ka zgjedhur qytetin e Vlorës për të zhvilluar mbledhjen e qeverisë. Në takimin që ka nisur mëngjesin e sotëm me punonjesit e administrates qendrore te qarkut Vlore, Rama e ka nisur diskutimin me problemet që prekin administratën publike dhe shërbimin ndaj qytetarëve. Pasi ka folur për evitimin e disa dokumentave, mes të cilave edhe çertifikatat, Rama u ka folur ministrave të kabintetit të tij për punësimet partiake, që sipas tij kanë çuar analfabetë në zyrat e administratës dhe ka lënë pa punë njerëzit e shkolluar.
“Kemi njerëz të shkolluar që rrinë pa punë dhe analfabetë që merren në punë, paguhen nga taksat e shqiptarëve në vendin e gabuar, nuk përputhin as trajnimin, as përvojën me vendin e punës, Partia këtu e atje duhet të marrë fund. Ajo që u kërkoj të gjithëve është një skanim i të gjitha burimeve njerëzore në cdo drejtori në Vlorë dhe përputhshmëria mes vendit të punës dhe diplomës së cdo individi që mbulon vend pune, raport cdo ministri”- u shpreh Rama.
