Ish-ministri i Drejtësisë i LSI-së, Ylli Manjani u përfshi në debatin President-Kryeministër për mosdekretimin e Sandër Lleshit si Ministër i Brendshëm. Manjani thotë se vetëm sot Rama e pranoi se ka shkelur Kushtetutën duke propozuar Lleshin që mban statusin e ushtarakut aktiv. Po sipas Manjanit, Rama duhet të japë llogari pasi edhe duke e emëruar Lleshin si zv/ministër sërish ka shkelur Kushtetutën.
Statusi i plotë
Kush është dhunuesi i Kushtetutës?!
Karafil-Kryeministri e pranoi me në fund vetë, shkresërisht, se ka propozuar një Gjeneral aktiv për detyrën e Ministrit.
Për sqarim: sipas nenit 69.1/b të Kushtetutës, ushtarakët aktivë nuk lejohen as të kandidojnë për deputetë. Të zgjidhen jo e jo.
Nga ana tjetër neni 103.1 e Kushtetutës, barazon statusin juridik të ministrit me deputetin. Pra nëse nuk bëhesh dot deputet, nuk bëhesh as ministër.
Kjo është Kushtetuta!
Karafil-Kryeministri e pranoi se e ka shkelur këtë rregull të Kushtetutës, vetëm sot që propozon nxjerrjen e gjeneralit nga shërbimi aktiv!
Por nga ana tjetër do ti duhet ti japë llogari dikujt si e emëroi Zv. Ministër personin që nuk e bënte dot ministër në shkelje të Kushtetutës?!
E kujtoni sa helm ha hedhur gjithë këto ditë, për medemek “shkelje të Kushtetutës” nga Presidenti?! Nuk ka ndodhur vjet as para një muaji, por javën që kaloi.
Ja si u katandis Karafili! Mrekullia Kushtetuese e këtij vendi!
Dhunuesi më u madh i Kushtetutës e ligjeve të këtij vendi.
SPAK do të duhet të hetojë mirë këtë Kryeministër, praktika e punës e të cilit nisen dhe përfundon në injorim dhe dhunim total të Kushtetutës dhe ligjeve!
Nuk është vetëm çështja e marrëdhënieve emërim shkarkim, por ka gjëra të tjera që kanë sjellë pasoja të tënda, duke filluar nga tërësia territoriale e deri tek zhdukja e parave e pasurisë publike në mënyrë abuzive.
Lexo edhe:
Gjenerali lë gradën për tu bërë Ministër. A do ta dekretojë tani Meta?
