Vit i ri, por zakone të vjetra! Kështu ndodh dhe me Kryeministrin tonë. Në postin e parë në rrjetet sociale për këtë vit, Rama thotë se “kazani i plehrave paska zbuluar oxhakun tim kozmik”, duke nënkuptuar median online.
Për çfarë bëhet fjalë?
Në një spot (reklame) të publikuar nga Ermal Mamaqi, ku njoftonte intervistën me Ramën më 5 Janar, Kryeministri shfaqet sa në dush, sa në kuzhinë e sa para një oxhaku si piktor. Rrjeti shpërtheu me kritika ndaj tij, duke shkruar ndër të tjera se oxhaku në shtëpinë e Ramës ka kushtuar qindra euro. Dhe duket se kjo i ka bërë më shumë përshtypje kryeministrit, që sot ka vendosur të përgjigjet.
Rama në Twitter: “Qenka mbushur kazani i plehrave të pas festës së Vitit të Ri me oxhakun tim kozmik, që kadrinjtë e kanë zbuluar me rreze lazer në spotin e Ermalit. Eh, ja që s’është as oxhaku as shtëpia ajo, po atelieja e mikut tim qeramist,ku bujarisht jam i mirëpritur për orët e mia krijuese”.
/Opinion.al
