Kryeministri Edi Rama ka publikuar ditën e sotme një video ku shfaqet kryetarja e LSI-së e ftuar në emisionin “Opinion”, por ndërkohë, shihet në një letër i vendosur një filxhan kafe. Bashkëngjitur kësaj video, Rama në Instagram ka postuar edhe një shkrim ironizues për Kryemadhin.
“Ke një rrugë… është një me E që të bën magji… Qenka edhe një L që flet pas kurrizit tënd me këtë me E… Po ky me I ky kush është ky motra(?) ke një me I që vika vërdallë natën në lagje… Ja prit prit… Mos u mërzit…”- shkruan Rama.
View this post on Instagram
Ndërkohë, për këtë ka reaguar kryetarja e LSI-së, Monika Kryemadhi.
Nëpërmjet një statusi në rrjetet sociale, Kryemadhi thotë se një vendim i qeverisë me kosto 400 milionë për taksat e qytetarëve shqiptarë, është miratuar duke pasur sipas saj ministrat e kabinetit të Ramës kundër.
Reagim i plotë kryetares së LSI-së , Monika Kryemadhi:
Duro Edi, duro…. se ato letrat në tokë do të hedhin përtokë.
Ke miratuar një vendim qeverie me kosto 400 milionë euro për taksat e shqiptarëve, duke pasur edhe ministrat tuaj kundër.
Sa për E(rionin) dhe L(efterin), kokën hëngshi se i more vetë në qafë…
Prit se s’ke parë akoma serinë e radhës…
