Aktorja dhe regjisorja Ilire Vinca ka reaguar në lidhje me postimin e kryeministrit Rama i cili e citoi atë në mbështetje të një godine të re për Teatrin Kombëtar.
Sipas Ramës, aktorja Vinca ka mbështetur ndërtimin e një Teatri të ri në vendin ekzistues por sipas saj ky është një keqkuptim që madje ndodh për herë të dytë. Ajo ka komentuar në postimin e Ramës duke e sqaruar se deklarata së cilës ai i është referuar nuk është thënë për Teatrin Kombëtar.
“I nderuar Kryeministër Rama, më vjen shumë keq, por me duhet t‘ju informoj që këtë mendim, nuk e kam dhënë për Teatrin Kombëtar. Është hera e dytë qe po ndodh ky keqkuptim, ndaj më duhet të sqarohem. Ju falemnderit”, shkruan aktorja.
Ilire Vinca është aktore, regjisore si dhe anëtare e Këshillit Drejtues të Teatrit Kombëtar të Kosovës. /Opinion.al
