Kryeministri Edi Rama ka njoftuar ditën e sotme se Administrata Doganore Shqiptare do të ofrojë shërbimet e saj në 24 orë.
Përmes një postimi në rrjete sociale, Rama thotë se dogana e cila është një nga shtyllat themelore të sigurisë ekonomike dhe të procesit të integrimit europian të Shqipërisë, do të jetë në gatishmëri 24/7 në çdo cep të territorit doganor të vendit.
“DOGANA NË 24 ORË, Fuqia që garanton siguri, zhvillim dhe të ardhura për Shqipërinë Europiane. Administrata Doganore Shqiptare është në gatishmëri 24/7 në çdo cep të territorit doganor të vendit, duke garantuar: Sigurinë kombëtare, Luftën kundër kontrabandës dhe tregtisë së paligjshme, Mbështetjen për biznesin e ndershëm.
Me struktura moderne në hetim, inteligjencë, laboratorë shkencorë dhe fushën ligjore, Dogana është një nga shtyllat themelore të sigurisë ekonomike dhe të procesit të integrimit europian të Shqipërisë”, shkruan Rama.
